Reën

Ek hoop dit reën as ek jou weer sien

ek hoop die droogte word gebreek

dat poele met water die aarde beloon

met refleksies van wolke wat die dag omsoom

ek het jou lief gehad soos die oggendson

jou laaste lig was goed vermom

in die skyn van die maan mooi woorde gepraat

die nag was stom en onaangeraak

in die spore van ou verlore tree

lê die verlate droom soos ’n diep blou see

met sterlig in jou hare was die leuen op jou tong

die nag het geval en gebreek