Om die Stilte te Breek

Wie sal eerste wees om die stilte te breek

tussen jou en my

droewig lê die maan onbewus van sy bestaan

binne jou en my

en die wind hou vas aan ons jare

en die land stol bloed in ons are

wie sal eerste wees om die brood te breek

tussen jou en my

sagemoedig is die see verskuil in vreemde weë

binne jou en my

en die winter werp vuur op ons jare

en die berge sit steen in ons are

wie sal eerste wees om die grond te breek

tussen jou en my

lieftallig is die son ’n vaderlike bron

binne jou en my

en kleine kinders werp lig op ons jare

en die verlore tyd brand wit in ons are

wie sal eerste wees om die stilte te meet

waarteen die lewe stry

en wat sal ons daar kry en wat moet ons bely

voordat ons daar kom

en die wind waai weg al die jare

en die see stol bloed in ons are